Restaurant Tunit, Kalaallit piorsarsimassusaat qallunaallu mamarsaakkanik nerisassioriaasaat immikkuullarissumik peqatigiiffiat, Hotel Nordbo-mi Kissarneqqortuunnguaq 13-nimiittumi.

Neriniartarfiup atia Hotel Norbo-p isaariaanniittoq ujaqqamik kusassagaq eqqumiitsuliortumit Jens Erik Kjeldsen-mit, Tv-mi nangeqattaartumi Peitsersen og Nordvsestpassagen-mi peqataasutut ilisimaneqartumit  suliaasoq atsiunneqarpoq. Eqqumiitsuliaq ’Tunersuit’, isaariatta saavani inissisimavoq, taassumalu takutippaa umimmak piniartorlu. 

’Tunit’ siulitta inuinit aallaaveqarpoq, pinerrarissuunertik nunamullu sakkortuumik atassuteqarnertik ilisimaneqaatigaat.
Anguniagaraarput mamarsaakkanik nerisassioriaatsimik piorsarsimasutsit marluusut kattunnerisigut immikkuullarissumik misigisaqartinnissat pilersissallugu. Qallunaat qangaaniilli nerisassiaat ataavartuusut kalaallit pissarititaannik akoorluakkat, ´Tunit’ inuinit isumassarsiorfiupput taakkuummatami nunamut immamullu atassuteqarluartuusut. Maani neriniartarfitsinni ukiup killiffiata pissarititai soorlu ukuusut; aalisakkat, qaleruallit, paarnat, tuttut umimmaallu nerisassat allagartaanni allassimasut nikerartuusut qinigassaatigaagut. 

Inaatigut eqqumiitsulianik assigiinngitsunik immersugaapput, kalaallit nunattalu pinngortitaata kusanassusersua takutissallugu tulluusimaarutigaarput, tassanilu misigitikkusupparput eqqissisimaarnissat, angerlarsimasutut misiginissat nerilluataarnissallu. Tulluusimaarutigaarputtaaq nerisassiatsinnik mamarluinnartunik neqeroorfigisinnaagatsigit. 

Restaurant Tunit-mut tikilluaqqunissat qilanaaraaput – Kalaallit qallunaallu naapiffianni.