Restaurant Tunit-mut tikilluarit
Neriniartarfimmik nuannersumik ujaasivit?
Taava eqqortoq nassaarisimavat.
Restaurant Tunit illoqarfitta Nuup qeqqani inissisimavoq Hotel Nordbo-p uummataani.
Qallunaat nerisassaataat, kalaallit pissarititaannit akuukkat sassaalliutigisarigut ilisimaneqaatigaarput.
Neriniartarfitsinni nerisassaatigut tulluusimaarutigaagut, ukiorlu kaajallallugu piniagassat aallaavigalugit pitsaanerpaanik sassaalligassatsinnik peqartuaannarluta. Qallunaat nerisassaataat kalaallit piniartut tikiussaannik mamartulianngorlugit akuukkat ornigullutit neriartorsinnaavatit imaluunniit annissassanik inniminniisinnaavutit.
Neriniartarfiuunnanngilagulli, Hotel Nordbo-mut atavugut. Neriniartarfiup atia Tunit silatitsinni ujaqqamik kusassakkamit isumassarsiaavoq isaariatta eqqaaniittumit. Taanna eqqumiitsuliaq Kalaallit nunatta oqaluttuarisaaneranut pinngortitattalu kusanassusaanut assersuunneqarsinnaavoq, nuannaarutigeqaarpullu.
Neriniartarfitsinni neriguit iikkagut kusanartunik eqqumiitsulianik qalipakkat avatangiiseralugit alutorsarfigisinnaavat, tassanimi pinngortitarput uumasuilu takutinneqarput. Nerrivinni issiatillutit eqqumiitsuliat qimerloorujoornerini qaqqamiittuuserujuussaatit immamiittuuserujoorlutillu.
Qilanaarpugut nerisassaatitta mamarluinnartut sassaalliutiginissaannut, takunissannullu qilanaarpugut.
Nerrivimmik inniminneerusuppit?
Qaqugu takkunniarnerit qassiullusilu nereqatigiinniarnerlusi paasititsigut, takkutinnginnissinnilu suna tamaat piareeqqanissaa isumagissavarput.
Nunarsuit marluk ataqatigiissilernerisigut orniginartumik nerisassanik inniminniisinnaavutit. Qallunaat nunaanniit sassaalliutigisarpavut soorlu makkuusut, flæskesteg, fikadellit aammalu qallersukkat. Nunatsinniillu nunatta pissarititai atorlugit mamarluinnartunik pilersitsisarpugut soorlu makkuusut; Tuttu, umimmak, qaleralik uiluillu.